|
17.7.2012 16:56:00
KELLÍNGABÆKUR 17.11.2010 Menningarmiðstöðinni Gerðubergi, laugardaginn 20. nóvember kl. 13-17 Kynning á nýjum verkum kvenhöfunda í samstarfi við Góuhópinn Undir yfirskriftinni Kellíngabækur verða kynnt ný verk kvenhöfunda af margvíslegum toga - skáldsögur, ljóðabækur, ævisögur, barnabækur, fræðibækur og kvæðalög. Þetta er þriðja árið sem Gerðuberg kynnir ritverk kvenna í samstarfi við Góuhópinn og nú verða í fyrsta sinn einnig kynntar bækur eftir erlendar konur sem þýddar hafa verið á íslensku. Kynnt verða um fjörtíu verk og hafa nemendur við Háskóla Íslands umsjón með upplestrum. Í anddyri verða bækur seldar á sérstöku tilboðsverði auk þess sem höfundar og forleggjarar kynna bækur sínar. Ilmandi kaffi og girnilegar veitingar eru í boði hjá Gallerí fiski - veitingastofu Gerðubergs. Í Gerðubergssafni Borgarbókasafnsins verður sýning á bókum þeirra kvenna sem hlotið hafa Fjöruverðlaunin, bókmenntaverðlaun kvenna, síðustu ár. Í fyrra mættu yfir 1000 manns á þessa líflegu bókakynningu, nutu upplestra og spjölluðu við höfundana. Ekki missa af Kellíngabókum í ár! Til baka |
Bandalag þýðenda og túlka | Hrísmóum 11 | 210 Garðabær | [email protected]