Þýðingar, túlkun og íslensk málstefna í hnattvæðingunni

13.6.2012 21:34:00
Þýðingar, túlkun og íslensk málstefna í hnattvæðingunni

Föstud. 9. maí kl. 14-17 í stofu 101 í Odda, Háskóla Íslands

Íslensk málnefnd í samvinnu við Bandalag þýðenda og túlka og Þýðingasetur Háskóla Íslands stendur fyrir málþingi um gildi og hlutverk þýðinga og túlkunar fyrir íslenska málstefnu í hnattvæðingunni.

Dagskrá:
Ingibjörg Sólrún Gísladóttir utanríkisráðherra ávarpar þingið en Þýðingamiðstöð utanríkisráðuneytisins sinnir að líkindum einu stærsta þýðingaverkefni Íslandssögunnar í tengslum við EES-samninginn.

Gauti Kristmannsson, dósent í þýðingafræði og formaður Bandalags þýðenda og túlka, fjallar um þýðingar og túlkun á vettvangi Evrópusambandsins.

Sabine Leskopf, verkefnisstjóri Túlka- og þýðingaþjónustu Alþjóðahúss, fjallar um túlkun og þýðingar á vettvangi innflytjenda á Íslandi.

Kaffihlé

Kristján Árnason prófessor fjallar um umdæmavanda íslensku í hnattvæðingunni með fyrirlestri sem kallast "Að kasta fjöreggjum: Litlir og stórir í menningarkapítalisma"

Rúnar Helgi Vignisson, rithöfundur og bókmenntaþýðandi, fjallar um bókmenntaþýðingar á íslensku með erindi sem kallast "Á öðru máli".

Halldór Guðmundsson, rithöfundur og verkefnisstjóri, fjallar um útrás íslenskra bókmennta í tengslum við bókakaupstefnuna í Frankfurt 2011 þegar Ísland verður í brennidepli hennar.

Fyrirspurnir og umræður verða að loknu hverju erindi.

Fundarstjóri er Haraldur Bernharðsson, málfræðingur og stjórnarmaður í Íslenskri málnefnd.

Málþingið er hið tíunda í röð ellefu málþinga sem íslensk málnefnd stendur fyrir á vormisseri 2008 um ýmislegt er lýtur að íslenskri

málstefnu en nefndin vinnur nú að tillögu að málstefnu fyrir menntamálaráðuneytið.

Sjá nánar um Íslenska málnefnd á http://www.islenskan.is

Allir velkomnir!

Til baka