|
13.6.2012 21:04:00
„Frá Leiðarljósi til L'elisir - Fjölbreytt flóra sjónvarpsþýðinga“ Stutt erindi flytja: Ellert Sigurbjörnsson: „Sérstaða sjónvarpsþýðandans.“ Nanna Gunnarsdóttir: „Snertifletir þýðingafræði og sjónvarpsþýðinga – Eiga kenningar við um þýðingu Leiðarljóss?“ Anna Hinriksdóttir: „Frá Leiðarljósi til L'elisir - Fjölbreytt flóra sjónvarpsþýðinga“ Miðvikudaginn 16. apríl kl. 12:15 í stofu 311 í Árnagarði „Frá Leiðarljósi til L'elisir - Fjölbreytt flóra sjónvarpsþýðinga.“ Hádegisspjall Bandalags þýðenda og túlka og Þýðingaseturs Háskóla Íslands verður miðvikudaginn 16. apríl kl. 12.15 í stofu 311 í Árnagarði í Reykjavík. Ellert Sigurbjörnsson: „Sérstaða sjónvarpsþýðandans.“ Rætt um nokkur atriði sem gera vinnubrögð við textagerð talsvert ólík bókaþýðingum. Þar kemur til sögu mikilvægi tíma, leshraða og annars konar uppsetning en tíðkast á bókum. Nanna Gunnarsdóttir: „Snertifletir þýðingafræði og sjónvarpsþýðinga – Eiga kenningar við um þýðingu Leiðarljóss?“ Anna Hinriksdóttir: „Frá Leiðarljósi til L'elisir - Fjölbreytt flóra sjónvarpsþýðinga“ - Yfirferð um margvísleg textasnið og framsetningarmáta sem sjónvarpsþýðendur glíma við í starfi sínu. Upplýsingar um fyrirlesara: Ellert Sigurbjörnsson er yfirþýðandi hjá Ríkisútvarpinu og hefur starfað við sjónvarpsþýðingar frá sjöunda áratugnum. Eftir hann liggur m.a. kverið Mál og mynd þar sem farið er yfir helstu þætti skjátextaþýðinga á íslensku. Nanna Gunnarsdóttir hefur verið viðloðandi Ríkisútvarpið frá 1982 á ýmsum deildum; auglýsingadeild, innkaupa- og markaðsdeild, dagskrárþulur á Rás 1 og fleira. Hún hefur verið sjónvarpsþýðandi að aðalstarfi frá því um 2000 og er nú í meistaranámi í hagnýtri ritstjórn og útgáfu við HÍ. Anna Hinriksdóttir er meistaranemi í hagnýtri menningarmiðlun í Háskóla Íslands. Hún hefur unnið við dagskrárgerð og verkefnastjórnun hjá Ríkisútvarpi-Sjónvarpi, þýðingar fyrir sjónvarp, prentmiðla og Íslensku óperuna. Hún hefur verið vefstjóri utanríkisráðuneytisins frá 2001. Til baka |
Bandalag þýðenda og túlka | Hrísmóum 11 | 210 Garðabær | [email protected]