23.7.2014 12:09:51
Alþjóðlega glæpasagnahátíðin Iceland Noir, Bandalag þýðenda og túlka og
Hið íslenska glæpafélag standa að Ísnálinni - Iceland Noir verðlaununum fyrir bestu þýddu glæpasöguna sem veitt verða í fyrsta
sinn á Iceland Noir glæpasagnahátíðinni í Norræna húsinu þann 22.
nóvember næstkomandi. |
|
21.7.2014 14:36:29
Nú geta félagsmenn greitt árgjald Bandalags þýðenda og túlka í
heimabankanum en margir hafa óskað eftir því sér til hagræðis. Árgjaldið
fyrir 2014 er kr. 5000 og við það bætist 315 kr. tilkynningargjald, en
engir dráttarvextir verða reiknaðir. Þeir sem skulda eldri árgjöld eru
beðnir um að hafa samband við gjaldkera (thot (hjá) thot.is eða
petrinarose (hjá) gmail.com) til að semja um þau eða greiða beint á
reikning félagsins, bankareikningur 0137–26–003585, kt. 441104-4210. Þeir
sem ekki sjá kröfuna í heimabankanum sínum eru einnig beðnir um að hafa
samband til að hægt sé að leiðrétta það.
|
|
23.5.2014 18:06:45
Miðstöð íslenskra bókmennta hefur ákveðið að veita fjóra Nýræktarstyrki í ár. Illugi Gunnarsson mennta- og menningarmálaráðherra mun tilkynna hverjir hljóta styrkina í Gunnarshúsi, húsi Rithöfundasambands Íslands, þriðjudaginn 27. maí kl. 16:00.
|
|
20.5.2014 01:15:41
Aðalfundur Bandalags þýðenda og túlka verður haldinn 22. maí kl. 20 í Gunnarshúsi. Á dagskrá eru venjuleg aðalfundarstörf en einnig verða kosnir tveir stjórnarmenn. Engar lagabreytingartillögur hafa borist en á fundinum verða lagðar fram og kynntar nýjar siðareglur.
|
|
19.5.2014 17:41:50
Í dag voru veitt barnabókaverðlaun skóla- og frístundaráðs
Reykjavíkur. Andri Snær Magnason hlaut verðlaunin fyrir bókina
Tímakistuna sem Mál og menning gaf út, en Þórarinn Eldjárn fyrir þýðingu
á færeyska tónlistarævintýrinu Veiða vind eftir Rakel Helmsdal, Janus á
Húsagarði og Kára Bæk, sem kom einnig út hjá Máli og menningu. Þetta er
önnur þýðing úr færeysku sem hlýtur viðurkenningu á þessu ári.
|
|
23.4.2014 19:47:37
Íslensku þýðingaverðlaunin fyrir þýðingu á erlendu skáldverki voru veitt á Gljúfrasteini fyrr í dag við hátíðlega athöfn. Illugi Gunnarsson menntamálaráðherra afhenti verðlaunin en þau hlaut Ingunn Ásdísardóttir fyrir þýðingu sína á færeysku skáldsögunni Ó - Sögur um djöfulskap eftir Carl Jóhan Jensen, sem Uppheimar gáfu út út.
Hér má lesa ávarp Ingunnar eftir verðlaunaafhendinguna.
|
|
10.4.2014 12:39:27
Fjörlegt málþing um bókmenntaþýðingar fer fram laugardaginn 12. apríl nk. Meistaranemar í þýðingafræði fara þar yfir þýðingar verka af og á íslensku og rýna í kosti og galla, enda kemur oftast margt nýtt fram þegar rýnt er af nákvæmni í slík verk. Málþingið fer fram í Neshaga 16 á jarðhæð og hefst upp úr kl. 9 og stendur fram eftir degi. Alls verða haldnir 14 fyrirlestrar með hléum. Fjallað verður um barnabækur, fagurbókmenntir, kveðskap og margt fleira á litrófi bókmenntanna. Allir eru velkomnir hvort sem þeir vilja heyra einstaka fyrirlestra eða alla. Dagskráin er í meginmáli fréttarinnar.
|
|
8.4.2014 12:24:34
Nú styttist í afhendingu Íslensku þýðingaverðlaunanna og í tilefni af
því heldur Bandalag þýðenda og túlka þýðingakvöld í Gunnarshúsi,
Dyngjuvegi 8, fimmtudagskvöldið 10. apríl kl. 20. Þýðendur tilnefndra
bóka lesa upp úr þýðingum sínum, kynna bækurnar og spjalla við gesti. |
|
19.3.2014 16:49:15
Nýlega kom út á vegum Þýðingaseturs Háskóla Íslands bókin Þýðingar,
endurritun og hagræðing bókmenntaarfsins í eftir André Lefevere í
þýðingu Maríu Vigdísar Kristjánsdóttur. Í tilefni af því verður
útgáfuteiti á föstudaginn 21. mars kl. 15 í Bóksölu stúdenta þar sem við
fáum að heyra sýnishorn út bókinni og verður hún á góðu tilboði. |
|
4.3.2014 10:14:48
Laugardaginn 8. mars opnar sýning í Þjóðarbókhlöðunni til heiðurs
skáldkonunni, myndhöggvaranum og leikkonunni Melittu Urbancic. Sýningin
opnar með málþingi til heiðurs Melittu á sama stað og stendur dagskráin
frá kl 13 – 15. Allir eru hjartanlega velkomnir.
|
|
