18.6.2012 20:32:01
7.9.2009
Óskað eftir efni og umsjónarmanni
Við viljum vekja athygli á því að við höfum nú virkjað hlekkinn „Þýðing mánaðarins“ á heimasíðunni okkar. Þar má nú lesa ljóðið „Kvöldkyrrð“ eftir Julius Kriss í þýðingu Gísla Halldórssonar. Þýðingin er gerð úr esperanto og finnst okkur fara vel á því enda átti esperanto að sameina heimsbyggðina.
|
|
18.6.2012 20:30:03
7.9.2009
Vinsamlegast athugið hvort þau eru rétt hér á síðunni
Félagsmenn eru eindregið hvattir til að athuga hvort netföngin þeirra eru rétt í félagatalinu hér á síðunni. Ennfremur biðjum við ykkur að láta vita ef þið hafið grun um að þið fáið ekki tölvupóst sem aðrir félagar fá.
|
|
18.6.2012 20:28:57
26.8.2009
á vefsíðunni visir.is: http://visir.is/article/20090826/FRETTIR01/14777968/-1
|
|
18.6.2012 20:27:17
26.8.2009
30. september í Þjóðminjasafninu frá kl 13-17.
Sem kunnugt er hyggst stjórn Bandalags þýðenda og túlka halda upp á fimm ára afmæli félagsins á stofndegi þess hinn 30. september nk. Síðan tekin var ákvörðun um það hefur ríkisstjórn Íslands sent inn
umsókn um aðild að Evrópusambandinu. Ekki voru margir dagar liðnir frá því að aðildarumsóknin var send inn þegar fulltrúar frá helstu þýðingamiðstöð sambandsins, Directorate-General for Translation, voru mættir til að að undirbúa jarðveginn hér. Við áttum fund með þeim og þar kom fram að sambandið þarf að ráða tugi íslenskra þýðenda til starfa ef af aðild verður. Bæði verða þýðendur fastráðnir og eins verður leitað eftir verktökum. Um er að ræða þúsundir síðna sem þýða þarf á hverju ári og því mikil vinna í boði fyrir íslenska þýðendur.
|
|
18.6.2012 20:23:11
29.6.2009
Sendið inn hugmyndir!
Á fimm ára afmæli Bandalags þýðenda og túlka hinn 30. september nk. verður haldið landsþing þýðenda og túlka.
|
|
18.6.2012 20:21:35
9.5.2009
Rúnar Helgi Vignisson nýr formaður
Á aðalfundi bandalagsins þriðjudaginn 5. maí urðu formannsskipti í félaginu. Gauti Kristmannsson, sem verið hafði formaður frá stofnun félagsins, lét af störfum og við tók Rúnar Helgi Vignisson, rithöfundur og þýðandi. Eru Gauta þökkuð vel unnin störf í þágu félagsins síðastliðin fimm ár.
|
|
18.6.2012 20:15:16
29.4.2009
Aðalfundur Bandalags þýðenda og túlka verður haldinn í Gunnarshúsi, húsi Rithöfundasambands Íslands, að Dyngjuvegi 8 í Reykjavík, þriðjudaginn 5. maí nk. klukkan 20:00. Á dagskrá eru venjuleg aðalfundarstörf, skýrsla formanns, samþykkt reikninga og umræður um starfið framundan. Í haust verður Bandalagið fimm ára og er stefnt að því að halda landsþing þýðenda og túlka í lok september af því tilefni.
|
|
18.6.2012 20:12:38
28.4.2009
Miðvikudag 29. ap. kl. 16:30 - Fyrirlestrasal Þjóðminjasafns
Þýðing öndvegisverka
Guðrún Vilmundardóttir segir frá kynnum sínum af verkum Söru Kane, áformum um uppsetningar sem ekki litu dagsins ljós, þýðingunni á Rústað og tilraunum til aðlögunar í samvinnu við leikstjórann Kristínu Eysteinsdóttur. Fyrirlesturinn er hluti af fyrirlestraröðinni þýðing öndvegisverka sem skipulögð er af Stofnun Vigdísar Finnbogadóttur í erlendum tungumálum við Háskóla Íslands. Að þessu sinni er lögð sérstök áhersla á leikritaþýðingar.
|
|
18.6.2012 20:09:43
23.4.2009
Opin dagskrá í fyrirlestrasal Þjóðminjasafns 24. ap. kl. 10
Dagana 23.-26. apríl verður haldið í Reykjavík og á Hala í Suðursveit alþjóðlegt þýðendaþing. Von er á 24 þýðendum erlendis frá en þeir koma frá Þýskalandi, Spáni, Póllandi, Danmörku, Englandi, Frakklandi, Hollandi, Rússlandi, Tékklandi, Noregi og Svíþjóð. 10 þýðendur sem búsettir eru hér á landi taka líka þátt í þinginu. Fjallað verður um íslenskar bókmenntir, vanda og vegsemd þýðandans og meðal annars sagt frá verkefninu „Sagenhaftes Island“, þýðingar- og kynningarátaki í tilefni þess að Ísland verður heiðursgestur bókasýningarinnar í Frankfurt 2011.
|
|
18.6.2012 20:04:18
22.4.2009
Bandalag þýðenda og túlka hélt fyrirlestur í samstarfi við HART, félag háskólamenntaðra táknmálstúlka, um kulnun og stress í starfi mánudaginn 20. apríl.
|
|
